സിപിഎമ്മിന്‍റെ വാടകക്കാരല്ല സിപിഐ

January 9, 2018, 11:47 pm

കട്ടപ്പന : സിപിഎമ്മിന്‍റെ വാടക വീട്ടിലെ താമസക്കാരല്ല  സിപിഐ എന്ന്‍ ഇടുക്കി ജില്ലാ സെക്രട്ടറി  കെ കെ ശിവരാമന്‍. ഏലപ്പാറയില്‍  മാധ്യമ പ്രവര്‍ത്തകരോട് സംസാരിക്കുകയായിരുന്നു  അദ്ദേഹം. 

വാടകക്കാരാണെങ്കില്‍  നോട്ടിസ് നല്‍കാതെ സിപിഎമ്മിന് ഒഴിപ്പിക്കാന്‍  അവകാശമുണ്ട്.  സിപിഐ ക്ക് പകരം കേരള കോണ്‍ഗ്രസാ (എം) ന്  സഖാക്കളുടെ വീക്ഷണത്തില്‍ വിദൂര നമസ്കാരമുണ്ടെന്നും അദ്ദേഹം  പറഞ്ഞു. ബജറ്റ് വിറ്റ്  കാശ് വാങ്ങിയ കേരളത്തിലെ ഏക ധനമന്ത്രിയാണ് കെ എം മാണി.  മന്ത്രി  സഭാ തീരുമാനങ്ങള്‍  അട്ടിമറിക്കുന്നത് സിപിഎമ്മാണ്. എന്നിട്ടും സിപിഐ യുടെ തലയില്‍ കെട്ടിവയ്ക്കാനാണ് ഇവര്‍ ശ്രമിക്കുന്നത്.

ജില്ലയില്‍ വന്‍കിട - ചെറുകിട കയ്യേറ്റമെന്ന് നോക്കാതെ കൈയേറ്റക്കാരെ സംരക്ഷിക്കുന്ന   നിലപാടാണ്  സിപിഎമ്മിനുള്ളത് . ജോയിസ് ജോര്‍ജ് എം പി യുടെ ഭുമിയുടെ പട്ടയം റദ്ദ് ചെയ്ത നടപടിയില്‍ എം എം മണിയുടെ  പങ്ക് വളരെ വലുതാണ്.